الفترة الأخيرة الأعمال الفنية ظهر فيها مجموعة كبيرة من الشباب الموهوبين فى مختلف الأعمار و كتير منهم اتأثرنا بيه و كان ادائهم متميز ، يا ترا الشباب دى بتعمل ايه دلؤتى و ايه الأعمال الفنية الهنشوفهم فيها قريب ؟
حسن مالك
أول واحد هنتكلم عنه هو حسن مالك ، كان أول ظهور لحسن فى مسلسل لعبة النسيان بعدين شوفناه فى أعمال كتير تانية ادائه فيها كان إستثنائى زى بيمبو ، إتزان ، خلى بالك من زى زى و أخرهم دوره فى فيلم المطاريد٠
و حاليا هو بيشارك فى فيلم آل شنب الهيشارك فى مسابقة الأفلام الروائية الطويلة فى مهرجان الجونة السينمائى الهيبدأ يوم ١٣/١٠ ، و بيحكى الفيلم عن سيدة فى التلاتينات مامتها متحكمة فيها بشكل كبير بعدين هتحصل حالة وفاة فى العيلة فهيضطروا يسافروا الاسكندارية عشان العزاء و هتحصل تناقضات كتيرة مضحكة ، الفيلم بطولة لبلبة، ليلى علوى ،سوسن بدر و هيدى كرم٠
لينا صوفيا
تانى فنان هنتكلم عنه هو لينا صوفيا، لينا كان أول ظهور ليها فى فيلم هيبتا و شاركت فى أعمال كبيرة و مهمة زى بالحجم العائلى ، هذا المساء و اخرهم كامل العدد و كانت مبهرة جدا فى اداء ادوارها ٠
و لينا فى التوقيت الحالى بتشارك فى فيلم حسن المصرى التصويره كان فى بيروت و بعض المشاهد كانت فى القاهرة ، و بيحكى الفيلم عن حسن الكان بيشتغل مسؤول حراسات خاصة و بعدين سافر لبنان لحبيبته عشان يهرب من الماضى و اشتغل فى شركتها للحراسة و التأمين و هيلاقى نفسه متورط مع تاجر من أكبر تجار السلاح و هيقوم بمهمة إنتحارية ، الفيلم هيتعرض فى اليسنيمات يوم ٤/١٠ ، بطولة أحمد حاتم ، لينا صوفيا ، مراد مكرم ، دياموند بو عبود و فريال يوسف و إخراج سمير حبشى٠
جيسيكا حسام
تالت فنان هنتكلم عنه هو جيسيكا حسام، أول ظهور لجيسيكا كان فيلم برا المنهج و حكايات جيجي و ليه لأ و الاختيار ٢
و حاليا جيسيكا بتشارك فى بطولة فيلم
“The Goat”
الهيشارك فى الدورة السادسة لمهرجان الجونة السينيمائى الدولى الهيستمر من ١٣/١٠ ل ٢٠/١٠، و بيحكى الفيلم عن بنت صغيرة اسمها “هادية” ، شركة أجنابية بتحاول تسيطر على المصدر الوحيد للمياة فى القرية بتاعتها ، و بتهرب هادية للصحراء مع معزتها عشان تدور على باباها و مخاطر كتير هتقابلها.الفيلم بطولة عمرو سعد، جون سافاج، ميرا سورفينو، سيد رجب، جيسيكا حسام، مايا طلام، عارفة عبدالرسول و إخراج الاريا بوريلي٠
ياسمينا العبد و معتز هشام و حلا الترك
فيلم سكر بيضم ٣ من الفنانين الشباب الهنتكلم عنهم ، و هم معتز هشام و يسمينا العبد و حلا الترك٠
أول ظهور لمعتز كان مسلسل أبو عمر المصرى بعدين شارك فى أعمال كتير كان دوره فيها متميز اخرها مسلسل ليه لا الدوره فيه أثر فى ناس كتير٠
و من الأعمال السابقة الظهرت فيها ياسمينا كان مسلسل حبينا دورها فيه جدا و هو “البحث عن علا”٠
و من الأعمال الظهرت فيها هلا و كانت شاطرة جدا ، مسرحية لا شئ ابدا كزين و فيلم شيبانى هني٠
والتلاتة بيشركوا فى فيلم “سكر” و هو أول فيلم موسيقى فى الشرق الأوسط إنتاج شركة أروما تحت إشراف ستوديوهات إم بى سى ، هيتعرض الفيلم فى السينيمات بداية من يوم ١٢/١٠ ، الفيلم بيحكى عن بنت صغيرة عايشة فى ملجئ اسمها سكر و مستحوى من قصة صاحب الظل الطويل ، طاقم عمل الفيلم : ماجدة ذكى ، ريهام الشنوانى ، محمد ثروت ، هلا ترك و معتز هشام ، بافلى ريموند و ياسمين العبد و فنانين تانيين كتير ، و الفيلم إخراج تامر المهدى٠
حمزة دياب
أخر فنان هنتكلم عنه هو حمزة دياب، أول ظهور لحمزة كان برده فى مسلسل كامل العدد و أدى دوره ببراعة
و حمزة دلوقتى بيشارك فى الفيلم القصير “٦٠ جنيه” ، إخراج عمرو سلامة ، الهيتعرض فى الليلة الافتتاحية للدورة السادسة لمهرجان الجونة السينمائى ، الفيلم مدته ١٨ دقيقة مستحوى من أغنية “٦٠ دقيقة” لنجم التراب “زياد ظاظا” و زياد هو بطل الفيلم و دى أول تجربة تمثيلية ليه ،
بيحكى الفيلم عن شاب عنده موهوبة عايش مع مامته و اخوه ذو الإعاقة فى حالة مادية صعبة و من خلال احلامه و انسياقه مع احلام اليقظة الموسيقية هيكتشف سر عن عيلته بس على الرغم من ده الرابط الاسرى هيخليه يبدأ من جديد و قال المخرج عمرو سلامة إن بتدور قصة الفيلم حولين الهوية و المقاومة و سحر و قوة الموسيقى الملهاش حدود٠.