بنسمع كلمة بتتكرر كتير جدا اليومين دول ، طالعة تريند فى معظم ميمز السوشيال ميديا دلوقتى ، و بلاتفورمز كتير استعملتها بشكل أو بأخر فى المحتوى بتاعهم ،طيب ايه هى الكلمة دى ؟
sapiosexual
معظم الميمز و البوستس فى الايام الاخيرة بتدور حولين إن فى كتير دلوقتى ذوقهم و الشريك المثالى ليهم هو الشخص “sapiosexual”ال
طيب مين هو الشخص ده ؟
sapio مبدئيا
معناها “فكر” بالاتينية و الشخص ال
sapiosexual
هو باختصار الشخص البيقع فى حب العقل و بينجذب لطريقة تفكير و ثقافة الشخص القدامه الهيرتبط بيه ، مبيركزش على الشكل أو الأمور السطحية فى الشخص القدامه و بيبصله بشكل أعمق بكتير ٠
بالنسباله كلمة “ذكى” هى ممكن تكون أفضل مجاملة ليه و تأثيرها عليه أقوى من مدح الشكل ده غير إنه ممكن يفصل من حد لو لقاه مش بالذكاء الكافى الهو عايزه و بعضهم نجاح القدامه مهنيا أو دراسيا بيفرق معاه جدا فى الاختيار٠
طيب الفكرة دى بدأت امتى ؟
على حسب ما ذكرت نيو يورك تايمز ، الابتدع المصطلح ده بلوجر و مهندس اسمه دارين ستادلر كان عايش فى مدينة فى واشنطون اسمها سيتل و كان بيحاول يلاقى مصطلح يعبر عن الهو بيحس بيه و توصل للكلمة سنة ٠١٩٩٨
و كتب ستادلر سنة ٢٠٠٢ فى لايف جورنال بوست “أريد عقلًا ثاقبًا وفضوليًا وبصيرًا وغير موقر ، أريد شخصًا يكون النقاش الفلسفي بالنسبة له مداعبة” و أول مرة المصطلح ده كان يستخدم كتصنيف لشخص كان على موقع ديتينج اسمه اوكيه كيوبيد الضم
sapiosexual
كأحدى المعايير البيخترها المستخدم فى الشخص البيدور عليه٠
و كل الفات ده معناه إن كلمة دي موجودة من زمان بس مكنتش بتستعمل
يا ترا ليه ؟
كان استعمالها نادر لأن البعض بيشوف إنه مصطلح مثير للجدل عشان نوعا ما فيه عنصرية إنك تصنف الأشخاص بناءا على الذكاء الهو اصلا له درجات و أنواع كتير جدا ، و إن الموضوع حساس شوية خصوصا لو شخص مثلا عنده إعاقة ذهنية ، فهل من العدل إن تبقى صفة واحدة بس هى أساس حكمك على البنى ادم القدامك !؟
هل انتم مع أو ضد الفكرة و هل قابلتم حد بتنطبق عليه صفات الشخص ال
sapiosexual