مع دخول سنة 2023 مصر واجهت انتشار لعبة جديدة و غريبة مع الوقت اسمها البادل وللي ماخدتش وقت و لقينا عامة الشعب ابتدى ينزل من بيته عشان يجرب و يعرف اللعبة ديه عبارة عن ايه بالظبط؟
و اثناء تجربتنا للرياضة دى اكتشفنا إن لعبة البادل بتتكون من لعبة التينس والسكواش مجتمعين في رياضة واحدة و ده اللي مخليها فريدة من نوعها ده غير انها كرياضة قدرت تكسب عدد جمهور رهيب في أقصر وقت ممكن وأكيد الناس اتشجعت أنهم ينزلوا يمرسوها باستمرار ويقدموا كل اللي عندهم من مهارة فيها لإن اغلبية النوادي سارعوا بفتح ملاعب مخصصه للعبة وده اللي اجمع الناس عليه و خلاهم يحبوا الرياضة و يبقى عندهم طموح يكبروا فيها٠
-: و النهارده جيبنلك أهم الأماكن اللي بتتوفر فيها لعبة البادل
Padel one :-
موقعة في الشيخ زايد في نادي الكارما ده غير ان مكان حقيقي مميز لأن متاح فيه رياضة واحدة فقط و هي ال بادل ، للتواصل والحجز تقدروا تحجزوا عن طريق ابليكشين النادي٠
SR Padel Academy :-
بتقدم ملاعب بالهبل للعب ال بادل مع اصحابك أو عيلتك ده غير إنها ليها فروع منتشرة في أنحاء القاهرة كلها زي
.Zed الشيخ زايد
Upadel :-
لو أنت من سكان مصر الجديدة أو مدينة نصر المكان ده ليك ، موجود فى شارع النزهة و مش بس بيوفر تجربة لذيذة لا كمان هو مكانه معقول جدا بالنسبة لسكان مصر الجديدة و مدينة نصر إنهم يبدأوا يتعلموا البادل و يلعبوها ٠
JPadel, Swan Lake:-
جى بادل موجود فى التجمع ، حلو جدا لكل الساكنيين ناحية القاهرة الجديدة ، هو فى كومبوند سوان ليك بس مفتوح للجميع٠
Black Eagle Academy :-
طيب لو أنت ساكان فى الجيزة ملكش مكان ؟أخر إقتراح مننا هو بلاك إيجل ، أكديمية لها ٩ فروع واحد منهم فى الدقى هيكون مناسب جدا لو حد حابب لعبة البادل و ساكن فى الجيزة٠