لسه مش عارف هتتفرج على ايه فرمضان؟ احنا هنحل المشكلة!

سوتس بالعربي رمضان ٢٠٢٢

ابطال المسلسل : اسر ياسين ,أحمد داوود ,محمد شاهين ,تارا عماد ,صبا مبارك,ريم مصطفي

إخراج: مريم أحمدي و تأليف: محمد حفظي و ياسر عبد المجيد

مسلسل سوتس بالعربي  هو النسخة العربية من مسلسل (suits) الي حقق نجاح جماهيري كبير في الدراما الأمريكية تدور أحداث مسلسل ” Suits”، حول شركة محاماة كبيرة تضم عدد من الشخصيات الناجحة الي تسعى لتحقيق طموحها في المجال، وعلى رأسهم المحامي هارفي سبيكتر الي بياخد من الشاب مايك مساعد ليه رغم عدم حصوله على شهادة المحاماة المعتمدة، بس بيتمتع بذكاء وموهبة خارقة في المجال

وينافس داود بمسلسل سوتس بالعربى فى الموسم الرمضانى ٢٠٢٢، ويجسد شخصية آدم منصور وهى شخصية مايك روس فى النسخة الأجنبية من المسلسل، والفنان اسر ياسين هيقوم بدور المحامي )هارفي سبيكتر

والمسلسل من وقت اعلان البوستر وهو آثار جدل كبير والناس بدأت تتكلم عنه و من المتوقع نجاح المسلسل ف السباق الرمضاني لسنة ٢٠٢٢ 

الاختيار ٣ رمضان ٢٠٢٢

الاختيار ٣ رمضان ٢٠٢٢

ابطال المسلسل: احمد عز احمد السقا,كريم عبد العزيز,ياسر جلال

إخراج: بيتر ميمي, تأليف: هاني سرحان

الجزء التالت من المسلسل لرمضان ٢٠٢٢ بييجي بعد نجاح الجزء الأول لرمضان ٢٠٢٠ و الجزء الثاني لرمضان ٢٠٢١  بتدور أحداث الجزء الأول حول ملحمة البرث وكان من بطولة أمير كرارة

و تدور أحداث الجزء الثاني حول رجال الظل وجمع أكبر عدد من الفنانين كان منهم احمد مكي وكريم عبد العزيز الي هنشوفه في الجزء التالت لرمضان ٢٠٢٢

الجزء التالت هيتجمع فيه أكبر عدد من نجوم الصف الأول ودة هيكون التجمع الأول لأحمد عز مع احمد السقا و كريم عبد العزيز وياسر جلال

كنا شفنا احمد عز في رمضان ٢٠٢١ في مسلسل هجمة مرتدة مع للفنانه هند صبري والي كانت أحداثه مأخوذة من الملفات الحديثه للمخابرات المصريه و احمد السقا شارك في السباق الرمضاني لسنة ٢٠٢١ مع النجم أمير كرارة في مسلسل نسل الاغراب و المسلسل ادي الي انتشار بعض الكوميكس الي كانت منتشرة علي السوشيال ميديا السنه الي فاتت وكمان ياسر جلال الي شفناه في مسلسل ضل راجل مع الفنانة نور

مسلسل الاختيار الجزء التالت من إخراج المخرج الكبير بيتر ميمي وكان هو مخرج الجزء الأول والتاني ودايما أعماله بتتسم بالنجاح وحب الناس ليها

العائدون رمضان ٢٠٢٢

:ابطال المسلسل:أمير كرارة,أمينة خليل,محمد فراج,محمود عبد المغني

إخراج: أحمد نادر جلال تأليف: باهر ديودر

أحداث المسلسل مستوحية من أحداث حقيقية حصلت في الفترة من 2018 وحتى 2020، وليها علاقة بمتغيرات كتيرة حصلت في المنطقة العربية، وازاي اتعاملت الدولة المصرية مع التهديدات الي اتعرضت ليها في المرحلة ديه

هنشوف في المسلسل عدد من النجوم الكبار وهنشوف أمير كرارة مع امينه خليل بعد ١١ سنه من مشاركتهم سوا فيمسلسل (المواطن اكس)

وعلي ما صرحت ليه أمينة خليل ان المسلسل هيبقي مختلف بالنسبالها وكمان هتقدم شخصية جديدة  و ان الجمهور هيتعاطف معاها، كانت شاركت أمينة خليل في السباق الرمضاني لسنة ٢٠٢١ بمسلسل (خلي بالك من زيزي) الي شاركها في بطولته محمد ممدوح وحقق المسلسل نجاح كبير جدا وكانت أحداث المسلسل بتتكلم عن ال ADHD وكيفية التعامل معاه

وكمان هنشوف محمد فراج والي كان شارك في السباق الرمضاني لسنة ٢٠٢١ بمسلسلين(لعبة نيوتن) مع مني زكي ومحمد ممدوح، وكمان مسلسل (ضد الكسر) مع نيللي كريم

أحلام سعيدة رمضان ٢٠٢٢

أبطال المسلسل: يسرا,غادة عادل,مي كساب,شيماء سيف

إخراج: عمرو عرفة,تأليف: هالة خليل

أعمال الفنانة يسرا كلها بتكون ناجحه وبتقدر انها تثبت نفسها بنجاحات مسلسلاتها في رمضان

كنا شفنا يسرا في السباق الرمضاني لسنة ٢٠٢١ في مسلسل (حرب اهليه) الي كان بيشارك معاها عدد كبير من النجوم زي باسل خياط و اروي جودا و سنتيا خليفة  وعدد كبير من النجوم الشباب زي جميلة عوض و مايان السيد ومسلسل(أحلام سعيدة ) هيكون في إطار المسلسل الاجتماعي الكوميدي البسيط

هنشوف فيه يسرا مع غادة عادل مع المخرج شريف عرفة بعد نجاح مسلسلهم الي كان في ٢٠١٤ وهو مسلسل (سرايا عابدين ) ومسلسل أحلام سعيدة هيكون تاني عمل يجمعهم مع بعض تاني و المسلسل هيتعرض علي قناة ON

مكتوب عليا رمضان ٢٠٢٢

ابطال المسلسل:أكرم حسني,عمرو عبد الجليل,ايتن عامر,هنادي مهنا

إخراج: خالد الحلفاوي تأليف: إيهاب نبيل

المسلسل اجتماعي كوميدي بيقدم فيه أكرم حسني بدور (جلال) من الطبقة المتوسطة الي بيقابل عجوز في الطريق بيمسح علي ايده بمادة مسحورة بتخليه يصحي تاني يوم يلاقي الي هيحصله مكتوب علي ايديه

المسلسل هيضم عدد من ضيوف الشرف منهم احمد فهمي الي شوفناه مع أكرم حسني في أعمال نجحت نجاح كبير زي  مسلسل (ريح المدام ) لرمضان ٢٠١٧ ومسلسل(رجالة البيت ) لرمضان ٢٠٢٠ وهنشوف هنادي مهنا مع أكرم حسني في اول عمل يجمعهم مع بعض

ودة هيبقي تاني عمل لأكرم حسني مع المخرج خالد الحلفاوي بعد مسلسل الوصية الي كان في رمضان ٢٠١٨ والمسلسل هيتعرض علي قناة DMC

Leave a Reply

Your email address will not be published.

%d bloggers like this: