ساعات كتير بنسأل نفسنا اسئلة مش بنلاقى لها إجابة
هو الفلوس طارت فين؟
هو أنا صرفت كل ده فى ايه؟
و خصوصا فى الفترة الاخيرة ، كتير مننا كشباب المصروف مبقاش يكفيه و بقى محتاج إن هو يرتب أولوياته
و عشان كدة هنكلمكم النهاردة عن موضوع مهم جدا لازم نكون على وعى كافى به و هو الثقافة المالية ٠
يعنى ايه الثقافة المالية؟ (financial literacy)
الثقافة المالية هى إن يكون عندك الوعى الكافى عن كيفية استخدام المهارات المالية المختلفة زى الاستثمار (Investment) و الادخار (Savings) و إعداد الميزانية (Budgeting) و إنك تقدر تاخد قرارات مالية مدروسة تدير بها شؤونك المالية الخاصة٠
مبدئيا فى معلومة مهمة جدا لازم ننبهك لها قبل ما نكمل الموضوع ، الفلوس مع التضخم قيمتها بتقل ، لو ال٥٠ جنبه امبارح هتشترى ٥ حاجات، النهاردة بتشترى حاجة واحدة بس ، فقيمة الفلوس نفسها فالقوة الشرائية
(Purchasing power)
!البتديهالك مش فيها كرقم
كدة أنت فهمت الثقافة المالية و ايه هى قيمة الفلوس الحقيقة ، هنشرحلك دلوقتى شوية
مفاهيم مهم إنك تكون عارفها عن الثقافة المالية
هل لاحظت إن فى ٣ مصطلحات تم استخدامهم فى تعريف الثقافة المالية، يا ترا ايه معنى المصطلحات دى ؟
:١– الاستثمار
(Investment)
الاستثمار هو إنك تحط فلوسك فى البرصة أو تستثمرها فى عقارات أو دهب..ألخ. عشان قيمتها تزيد مع الوقت بمعدل أعلى من زيادة التضخم ، يعنى أوصل ال٥٠ج المعايا النهاردة البتشترى ٥ حاجات ل ١٥٠ ج بكرة و أشترى بيها ٧ حاجات أو أكتر ، مش ٥ و مش أقل٠
:٢- الادخار
(Savings)
الادخار هو إنك تشيل فلوسك فى البنك و يطلع فوايد فالفلوس تزيد بمعدل يساوى إلى حد كبير أو متماشى مع زيادة التضخم ، يعنى أوصل ال٥٠ج المعايا النهاردة البتشترى ٥ حاجات ل ١٠٠ ج بكرة و أشترى بيها برده نفس ال٥ حاجات ، لا أكتر ولا أقل و بالتالى كدة قيمة الفلوس فضلت ثابتة ، لا زادت ولا قلت مع التضخم ٠
:٣-إعداد الميزانية
(Budgeting)
و ده إنك تخطط هتصرف إيزاى فلوسك فى وقت معين عشان مترجعش و تسأل السؤالين القلناهم فى الأول٠
لازم تكون عارف برده إن أى نظام مالى أو قوائم مالية بتقسم الفلوس و الممتلكات ل ٤ أنواع ،
Assets, Liabilities, Income, Expenses
الأصول و الالتزامات و الايرادات و المصروفات
الاصول (assets)-١
الاصول هى الحاجات الانت بتمتلكها فى منها حاجات وقت امتلاكها طويل زى العقارات و فى حاجات وقت امتلاكها قصير زى الفلوس البتمثل السيولة
(liquidity)
و بتتحكم فى قوتك الشرائية ، و احيانا ممكن تلجئ للدين (debt) عشان تمتلكها٠
الالتزمات (liabilities)-٢
الالتزمات هى حاجات لازم تدفعها فى أقرب وقت ممكن زى مثلا الكريدت كارد ، و لازم تتجنب إنك تقع فى ال
debt cycle
، دائرة الدين ، لأنك لو دخلت متاهة القروض و الكريديت كاردز ، الخروج منها بيكون صعب و بيسبب مشاكل و خساير عشان كدة خلى دائرة الديون دى أخر حل بالنسبالك مهما كانت مرحتلك العمرية عموما
<< Cash In >> Income (دخل)-٣
ده ممكن يدخلك من مصادر مختلفة ، استثمار أو مرتب أو مصروف يد..ألخ
هو البيديك القوة الشرائية و بيحدد حاجات كتير فى حياتك بس متبدأش تصرف منه و تسد ديونك إلا لما تخصم منه مصاريفك الأول ٠
<< Cash Out >> Expenses (مصاريفك)-٤
دى أهم حاجة لازم تجدولها و تنظمها عشان متقعش فى دائرة الدين ، مصاريف الجامعة ، المواصلات…ألخ ، و كل ما تجولدها صح ، تقدر تدخر و كمان تصرف على الترفيه أكتر٠
زى ما كنا قلنا فوق ، الدخل هو البيديك القوة الشرائية و هو البيحدد حاجات كتير فى حياتك ، و دلوقتى معظم الخبراء بيقولوا ، مصدر واحد للدخل لا يكفى و لازم حاجة على جنب تسند (side hustle)
:فى ٤ مصادر رئيسية للدخل
١-وظيفة بتقبض منها / مصروف ايد (نفس المبلغ و مبيتغرش إلا على فترات طويلة، و ده الاساس)
٢-تكون صاحب شركة فبيدخلك مبالغ كبيرة
٣-الاستثمار
٤-تكون صاحب بيزنس صغير بيدخلك مبلغ مختلف كل فترة ، احيانا بيكون كبير و احيانا بيكون صغير٠
البنوك
و من الاساسيات فى الثقافة المالية هى المعرفة بكروت و حسابات البنوك
اهم أنواع الحسابات
التوفير (saving account)
هو حساب بندخر فيه الفلوس و بيدى فوايد و فى حدود للسحب زى عدد مرات السحب فى الشهر عشان يشجعك على النوفير.
الجارى (current account)
هو بيكون فى معظم الاحيان مش عليه فوايد و بيسهل المعاملات اليومية زى إن بينزل عليه المرتب مثلا و بتصرف منه و السحب منه بيكون سهل و مش محدود زى حساب التوفير.
———
اهم أنواع الكروت البنكية
بطاقة الائتمان (credit card)-١
دى بتسحملك إنك تستلف من البنك و تسددله فى خلال ٥٥ يوم و لو مسددتش بيتحط عليك فوايد، فلازم تكون حذر جدا حشان تحافظ على مستوى الرصيد
(credit score)
عشان ميحصلكش مشاكل مع البنك بعد كدة و تبقى بلاك ليست ده غير إنك هتقع فى دايرة الدين
بطاقة الخصم (Debit card) -٢
دى بتكون مربوطة بحسابك فى البنك أو حساب التوفير و تقدر تصرف منها بسهولة
بطاقة مسبقة الدفع (Pre paid Card)-٣
دى بتكون كروت مناسبة للبياخد مصروف شهرى ، بدل ما تمشى بالفلوس، بتمشى بالكارت ده و تصرف من الكارت الانت حاطط فيه المبلغ و بيعاد شحنه بكل سهولة٠
طرق تدير بها فلوسك
دلوقى بقى عندك خلفية مالية ، اخر حاجة هنكلمك عنها ، هى بقى طرق إنك تقدر تنظم ايزاى بتصرف فلوسك و ايزاى ممكن تعمل ميزانية لنفسك :–
قاعدة 30%, 60%, %90
60%
بوجه 60% من الدخل للاحتيجات و المصاريف المهمة
30%
بوجه 30% من الدخل للترفيه و الحاجات الاقل اهمية زى لبس / خروج…ألخ
10%
بوجه 10% من الدخل للادخار و للطوارئ
من أكثر الطرق الفعالة هى إنك تسجل كل حاجة بتصرف فيها حرفيا ،هتشوف أصغر الحاجات زى مواصلاتك / حاجات اشتريتها بسيطة زى السناكس، عشان تعرف فلوسك النهاردة راحت فين و تقدر تظبط الدنيا بعد كدة٠
و ممكن تكتب ده فى
النوت على الموبيل
فى تطبيقات على الموبيل بتساعد على ده
ورقة و قلم عادى جدا
لو بتصرف من ديبت كارد ده هيساعدك إنك تشوف كل حاجة صرفت فيها برده
ديما تكون بتدور على العروض و الخصومات و تستغل الفرص دى عشان تطلع كسبان
و بكدة نكون ادينالك اساسيات خفيفة عن الثقافة المالية تساعدك إنك تفهم ايه هى فلوسك و تقدر تستغل قيمتها ايزاى