مسلسل المداح الجزء الثالث (أسطورة العشق)
اخراج: أحمد سمير فرج
تأليف: أمين جمال و وليد ابو المجد
طاقم العمل: حمادة هلال، هبه مجدي، سلمي ابو ضيف، خالد سرحان
بعد نجاح المداح إلي بدء من رمضان ٢٠٢١ و رمضان ٢٠٢٢ و حقق نسب مشاهده عاليه ونال إعجاب الناس هنشوفه في حكاية جديده اسمها أسطورة العشق و كمان هيبقي فيه سلمي ابو ضيف لأول مرة بدور صعيديه و هي كانت كانت تألقت في رمضان ٢٠٢٢ في راجعين يا هوى مع خالد النبوي ف هنشوفها السنه ديه بشكل جديد ومميز.
مسلسل الكبير اوي الجزء السابع
إخراج: أحمد الجندي
تأليف:مصطفي صقر
طاقم العمل: احمد مكي، رحمه احمد، بيومي فؤاد،محمد سلام، سما إبراهيم
مسلسل الكبير اوي من المسلسلات الي قدرت تحقق نجاح عالي جدا من وقت طرحه في الموسم الرمضاني الي أن وصل بالجزء السادس الي حقق نجاح جماهيري كبير و شوفنا رحمه احمد بدور مربوحه الي كانت ليها طله مبهجه في المسلسل و علقت مع الناس هنشوفه السنادي في رمضان ٢٠٢٣.
رمضان كريم الجزء الثاني
ﺇﺧﺮاﺝ: سامح عبدالعزيز
ﺗﺄﻟﻴﻒ: أحمد عبدالله
طاقم العمل: سيد رجب، بيومي فؤاد، سلوى عثمان، صبري فواز،محمد لطفي، أحمد صيام
حقق الجزء الاول منه نجاح كبير و هو كان بيعرض شهر رمضان علي مدار التلاتين يوم في إطار درامي اجتماعي و كمان ابطال الجزء الاول هنشوفهم الجزء ده كمان و الي عدد كبير من الجمهور متحمس ليه من دلوقتي ومتوقع نجاحه زي الجزء الاول.
سوق الكانتو
ﺇﺧﺮاﺝ: حسين المنباوي
ﺗﺄﻟﻴﻒ: هاني سرحان
طاقم العمل: أمير كرارة،مي عز الدين، فتحي عبدالوهاب، محمود البزاوي
من البرومو عرفنا أن أحداث المسلسل في أزمنة قديمة وقت الاحتلال الإنجليز، وسلط الضوء على علاقة أمير كرارة ومي عز الدين خلال أحداث العمل، وبداية قصة حبهما، وسط صعوبات ومشاكل كبيرة، بالإضافة إلى شغفها بالملابس، تدور أحداث المسلسل في سنة ١٩٢٠ داخل سوق البالة بوسط البلد.
عمله نادره
ﺇﺧﺮاﺝ: محمد جمال العدل
ﺗﺄﻟﻴﻒ: مدحت العدل
طاقم العمل: نيللي كريم، جمال سليمان كمال أبو رية، أحمد عيد، جومانا مراد
بيدور المسلسل حول نيلي كريم الصعيديه الي بترفض استسلامها لحرمانها من الميراث، وتحاول الحصول على حقوق أولادها بكل الطرق من المتوقع نجاح المسلسل كعادة نيلي كريم و كمان معاها جمال سليمان و كمال ابو ريه و دول اضافه لأي عمل لأنهم من عمالقة الدراما.
الصفارة
ﺇﺧﺮاﺝ: علاء اسماعيل
ﺗﺄﻟﻴﻒ: أحمد أمين
طاقم العمل: أحمد أمين، طه دسوقي، آية سماحة، حاتم صلاح، محمود البزاوي، إنعام سالوسة
بتدور أحداث المسلسل في إطار من التشويق والكوميديا، البطل فؤاد الي يجسده أحمد أمين وهو مرشد سياحي يكره الي وصل ليه في حياته فليلجأ إلى سرقة قطعة أثرية من أحد سكان سيوة صفارة الملك توت الي بيستخدمها بترجعه تلات دقايق من ماضيه ليغير فيهم عشان يغير فيهم الي يقدر عليه ويرجع بعد تلات دقايق للزمن الحالي علشان يعرف هيغير ايه بعدها في حياته ليدخل في رحلة لتغيير ماضيه إلى كل أحلامه.
