وجوه شابة خطفت الأنظار رمضان 2022

١. نور النبوي

نور النبوى شاب فى أوائل العشرينات ، درس تمثيل و إخراج فى أمريكا و كان أول ظهور ليه كان فى الاختيار الجزء التانى و هو بيجسد شخصية الشهيد البطل أحمد شوشة بعد كدة مثل فى مسلسل نقل عام و أخر أعماله راجعين يا هوا فى رمضان ٢٠٢١ الاشاد بيه ناس كتير و عجبهم جدا كاريزمته و دمه الخفيف و أسلوب تمثيله ،و من وجهة نظرنا، المسلسل ده هيكون نقلة تانية ليه و هيفرق معه جدا فى رصيده فى قلوب الناس

و الميعرفش المسلسل ، نور النبوى طالع فيه بشخصية طارق البيساعد عمه بليغ أبو الهنا (خالد النبوى) إنه يرجع ورثه من عيلة أبو الهنا البينها خلافات شديدة عشان يسدد دين عليه الحطه هو و عيلته فى خطر كبير،فيا ترى هيعرف بليغ يسد الدين ولا هيحصل ايه ؟

٢. أحمد داش

أحمد شاب عنده ٢١ سنه ، درس إدارة أعمال و سينما، أول ظهور ليه كان كطفل فى فيلم لا مؤاخذة، و تألق أحمد داش رغم سنه الصغير في أعمال كتير منهم مسلسلات وأفلام وكلهم حققوا نجاح كبير منهم مسلسل سابع جار الي قام فيه بدور عبد الرحمن طالب ثانوي و كمان شارك في افلام كتير زي كازابلانكا وفوتو كوبي و ابو صدام الي تم عرضه في ديسمبر 2022

بنشوف احمد السنادي في رمضان 2022 في مسلسل مين قال : مسلسل 15 حلقة معاه نجوم شباب ولكن المسلسل ده قدر أنه يكون مميز بين المسلسلات الي موجوده وقدر أنه يحقق نجاح

هو طالع فيه بشخصيه شريف الي بيخوض مواجهة مع والده بعد نتيجه الثانويه العامه وعدم رغبته في دراسة الهندسة و بيبدأ شريف في العمل الخاص بيه بدون معرفة أهله ولكن بمساعدة أصحابه وبنشوف في المسلسل كمان علاقة صداقة جميلة بين كل النجوم الشباب الي أثرت في الناس خلال المسلسل

٣. ريتال محمد ظاظا

ريتال عندها ١١ سنة ، أول مشاركة ليها في التمثيل كانت في مسلسل فاتن أمل حربي بدور بنت فاتن (نيلى كريم) الكبيرة يارا ، و على الرغم من صغر سنها إلا إنها جذبت انتباه المشاهدين و عجبهم ادائها الطبيعى المش مصطنع الأثر فينا كلنا و خصوصا اللي مروا بتجارب مشابهة و هم أطفال للتجربة الي بتمر بيها فى المسلسل ، فيا ترى هل فاتن هتقدر تاخد حقها؟

٤. نورهان عز الدين

نورهان شابة ، عندها ٢٣ ، مثلت فى كذا مسرحية قبل كدة زى مسرحية “موضوع حساس” و “المنحدر”، و أول ظهور ليها على الشاشة و اللفت أنظار كتير من الناس دور سما في مسلسل ديما عامر العندها البهاء و بتعانى من الرفض و التنمر من زمايلها و بتساعدها ميس ماهيتاب (سينتيا خليفة) إنها تتخطى الموضوع ده و تكتسب ثقة في نفسها

٥. مايان السيد

مايان ممثلة شابة طموحة عندها ٢٥ سنة ، أثبتت نفسها فى الساحة الفنية من أوائل ظهورها على الشاشة و دخلت قلوب المشاهدين على طول،درست مسرح و سينما  

و أول ظهور ليها كان فى مسلسل المغنى سنة ٢٠١٦ فى دور “ياسمينا” مع الكينج محمد منير و الفنانة رانيا فريد شوقى ميان كمان قدمت أدوار كتيره في السنوات الأخيرة زي دورها في مسلسل إلا أنا والي ناقشت فيه مشكله بيواجها الأشخاص الي عندهم توحد وقدرت بالدور ده انها تتفوق على نفسها فيه و تسيب علامه مع الناس  و مسلسل حرب أهلية الي كان رمضان 2021 ومسلسل لعبة نيوتن الي كان في نفس السنة

إما رمضان 2022 شاركت مايان السيد مسلسل الأختيار ٣ بدور “آية” بنت السيد الرئيس عبد الفتاح السيسي و ابهرتنا بأدائها في المشهد

written by: Ayat Mahmoud & Norhan Hany

Leave a Reply

Your email address will not be published.

%d bloggers like this: