بما إننا في الصيف و كلنا عندنا اجازات و محتاجين أفلام جديده نتفرج عليها ف الفتره الجايه فيه افلام في السينما نازله ممكن انك تدخلها مع صحابك و تسلي وقتك بيها و احنا بنرشحلكم
كيرة والجن
إخراج: مروان حامد تاليف: احمد مراد صناع العمل: أحمد عز، كريم عبد العزيز، هند صبري، سيد رجب، احمد مالك، هدي المفتيالفيلم تم طرحه يوم ٣٠يونيو ٢٠٢٢وقدر أنه يحقق إيرادات عالية من وقت عرضه الفيلم تلات ساعات و بيجمع نجوم كبار في عمل واحد ده بيضيف للعمل و كمان احمد عز و كريم عبد العزيز الاتنين مع بعض ده اول عمل يجمعهم الفيلم يعتبر وطني من الدرجه الأولى فهو بيتكلم عن قصص حقيقيه لأبطال المقاومة المصرية ضد الاحتلال الإنجليزي وقت ثورة ١٩١٩ حتي سنة ١٩٢٤ الفيلم مستوحي من رواية ١٩١٩ للكتاب أحمد مراد و ديه مش اول مره تشوف فيلم من تأليفه مع كريم عبد العزيز فشارك معاه في فيلم الفيل الأزرق الي حقق نجاح في وقتها الفيلم من وقت عرضه لحد دلوقتي عامل ضجه وناس كتير حبته ف لو انت لسه مدخلتوش في السينما ننصحك بيه
فيلم بحبك
إخراج و تأليف: تامر حسنيصناع العمل: تامر حسني، هنا الزاهد، هدي المفتي، حمدي المرغنيالفيلم هيتعرض ايام عيد الاضحى و بيدور الفيلم أحداثه في إطار رومانسي كوميدي و هنشوف تامر حسني الي ليقع في حب بنتين و هيبان اختلاف مدي صدق التعبير عن الحب بين الراجل والست ومن المتوقع نجاح الفيلم كعادة نجاحات تامر حسني في السينما
فيلم عمهم
إخراج:حسين المنباويتأليف: وسام صبريصناع العمل: محمد امام، ايتن عامر، هدي المفتي وغيرهم من كبار النجوم الفيلم هيتم عرضه ايام عيد الاضحى وده هيبقى عوده لمحمد إمام في السينما بعد صدور فيلم لص بغداد لعام ٢٠٢٠
ولو انت بتحب الأفلام الانجلش ف فيه افلام نزلت جديد لو لسه مشوفتهاش ممكن تشوفها زي
TOP GUN
الفيلم إخراج جوزيف كوزينكسي وتأليف ايرين كروجر و اريك ارين سينجر و كريستوفر ماك كوبري وكمان بطولة توم كروز وتم إصدار الفيلم يوم ٢٧مايو ٢٠٢٢والفيلم محقق إيرادات عالية جدا و هيبقى مميز الي بيحب أعمال توم كروز
Minions
الفيلم إصدار ٣٠ يونيو ٢٠٢٢ الفيلم ثلاثي الابعاد و مناسب جدآ للاطفال و الفيلم من تأليف بريان لينش و إخراج بيير كوفين و كايل بالدا. الفيلم من اول جزء فيه و هو محقق إيرادات عاليه جدآ و مناسب لجميع الفئات العمرية مش بس الأطفال
