أعلن ترافيس من قيمة شهر أنه هييجي مصر و هيقيم حفلة فيها لأول مرة و مش كدة و بس ده هيبقى بيعلن عن الألبوم الجديد واللي هيبقى اسمه عند الأهرمات وبالتحديد زي ماسمعنا قدام الهرم الاكبر و هنا تم اثارة الجدل من خلال التشابه بين بوستر الحفلة و رموز الماسونية
وعلى قد ما ناس كتير اشترت التيكتس كانت المفاجأة انهم خلصوا في غضون 15 دقيقة و ده أكيد مكانش من سعرها الرخيص و كانت الصدمة انها وصلت “4000” للفرد العادي و “6500 ال ومن كثره ماكان فيه هجوم عليها من الكل حصل عليها مزايدات كتير
مؤخرا انتشرت بوستات كتير وبشكل غريب و اللي خلت ناس في حالة ذعر غير منتهي و ده لأن ترافيس طلع بنفسه قبل كده و اعترف انه فخور انه تبع قبائل الماسونية اللي هما بينتسبوا لعبدة الشيطان فالناس قالت ان من زمان و حفلات ترافيس بتحصل فيها حاجات غريبة و ده لأن حوالي عشر أشخاص ماتوا في حفلة “استرو وورلد” بتاعته و هو كمل غناء عادي ولا اتدخل ولا عمل اي حاجة فاللي راعب الناس ان الاشخاص اللي ماتت ديه كانوا ضحية الطقوس الشيطانية اللي بيقوم بيها باستمرار
و في بوست انتشر من كام يوم لحفلة ترافيس في المانيا وهو مختار واحد كاتب على لافتة انه جاله من مصر مخصوص فالناس اتعصبت و قالت عليه انه بيشوف اللي هو عايزه وبس زي ما لاحظ الشاب المصري من ملايين الجماهير و طبعا ديه ممكن تكون كانت دعاية لخطته في اقامة حفلة في مصر
ترافيس خده وطلع معاه على المسرح ولكن كان قاصد يعمل فيها مش واخد باله من العشرة اللي ماتوا في حفلة “استرو وورلد” ولا من عربيات الاسعاف الكتير اللي جت عشان تنقلهم وبرر موت الناس ديه انهم ماتوا من الاختناق و التزاحم الرهيب مابين الجماهير
والجديد في الموضوع ان الناس لما جت تربط الموضوع ببعضه اكتشفوا ان من ساعه ما ترافيس اعلن الحفلة وللي هتبقى يوم 28 يوليو انه بدأ يعمل شير للبوستس فيها رسومات مرعبة تخص طلاسم الماسونية و ده لفت انتباه الناس اكثر و اكثر لأن زي ما كلنا عارفين ان الأهرامات زمان كانت رمز من رموز الألهة الشياطين
وللي وصلنا من فئة الناس اللي تعرف و قارئة اكثر في تاريخ الفراعنة انهم بيقولوا ان لو اللي الناس خايفه منه حصل بجد و ناس ماتت زي ما حصل في حفلة ترافيس قبل كدة ونزل نقطة دم من بني أدم ميت على رمل أرض الأهرمات فده هيكون كافي أن يقوم لعنة تبع الشياطين أو أسوء و مع ذلك فيه ناس كثير مستهيفة الموضوع و مش مقدرين خطورته
والفيديو بيوضح أهمية خوف المجتمع وبيلخص وجهة نظرنا
تفتكروا احنا كشعب مصري بنحب نكبر المواضيع و الحفلة هتعدي على خير ولا انتوا برضه خايفين زي اغلبية الناس من توابع الحفلة؟