حلو ولا فاكس؟

رمضان كريم وكل سنه وانتو بخير بعد مرور سبع ايام علي اول يوم من رمضان النهارده جايين نبتدي سسله حلقات “حلو ولا فاكس هي حلقات اسبوعيه هتنزل لنقل و نقد احداث المسلسلات الرمضانية ويا يبقا فيهم الحلو يا يبقا فيهم الفاكس.

مفيش شك ان في مسلسلات ابهرتنا و في مسلسلات خيبه املنا و عشان نحدد هنتفرج علي مين وهنفكس لمين

هنقسمهم لحلو وفاكس

نبدا بالحلو

  • مسلسل القاهره كابول

وهو بيحكي عن مصر من فتره التسعينات  لحد 2011 من خلال اربع صحاب و الي بيعكسو اراء المجتمع و كل انماط مختلفه و نظريات و اوجاه نظر مختلفه و هم الارهابي و رجل الامن و الفنان و الاعلامي.

المسلسل السناريو بتاعو عميق و بيطرح اساله كتيره في كل الي حصل لمصر في السنين الاخيره و ان الاربع صحاب

عاشو مع بعض في نفس الحاره و نفس التعليم ونفس الظروف الاجتماعيه ولاكن اختلفو في شخصياتهم و طول المسلسل لما بيقابلو بعض بيستغربو ايه الي حصلهم  في اختلاف شخصياتهم ده غير ان بيشترك في العمل ده عمالقه زي طارق لطفي و خالد الصاوي و فتحي عبدالوهاب و حنان مطاوع وده خلا المسلسل متغذي بتمثيل رائع يارب ميخيبوش املنا زي ناس كده هنتكلم عليها بعدين.

المسلسل حلو اوي و قوي و في افكار اقوي من كده ولاكن احنا مش هنحرقلكو وانتو اكتشفو من نفسكم

  • مسلسل لعبه نيوتن

المسلسل بيتكلم عن ست”مني ذكي” قررت تسافر تولد في امريكا  وده بيسبب خناق بينا و بين جوزها و بنشوف مين فيهم الي توكسيك و الخناق هيصل بينهم لحد فين . و بتقبلها مشاكل هناك بسبب ضعف شخصيتها بيسيطر عليها افكار وناس غريبه عن الي اتعودت عليه.

المسلسل حلو جدا و مليان اثاره و تشويق و تمثيل مني ذكي رائع جدا ومشرفنا اداء ومني ذكي و محمد فراج و محمد ممدوح الي قامو بادوار هايله جدا.

  • مسلسل قصر النيل

دينا الشيربيني متالقه اوي السنين الي فاتت بقالها كام سنه بتبهرنا بمسلسلات حلوه

المسلسل بيحكي عن وفاه زوج دينا الشربيني في بريطانيا وبيحصل خناق حول اتهامات مين الي قتل و بردو خناقات حول مين الي هيورث  , خلاص عرفنا ده انتو اغنية اويي

لكل محبين الستينات فا المسلسل ده بيدخلك في المود بتاعهم من الديكور للبس للكلام كلو يليق بالحقبه دي فا دي بوينت ليهم ده غير ان تمثيلهم حلو جدا و الاحداث مثيره جدا

  • مسلسل المداح

المداح بيتكلم عن الشيخ “حماده هلال” الي بيطلع العفاريت من علي الناس, مكنتش متوقعه انوهيبقا كده فعلا انا تقريبا اخر مره شفت حماده هلال بيمثل كان في “عيال حريفه” لاكن حماده اثبت عكس توقعتنا و وصل ترند علي تويتر من اول حلقة كانت قويه جدا مع اني وانا بتفرج عليها كنت مبهوره ان في مسلسلات رعب بتتعرض في رمضان بس

  • مسلسل الطاووس

الطاووس بيتكلم عن حادثه اغتصاب ل”سهر الصايغ” حصلت تشابه حادث واقعي وده السبب في وقفو الان , المسلسل حلو جدا و بيعكس معاناه المجني عليها و بشاعة الجاني و تمثيل سهر الصايغ ضايف للمسلسل و شايلو بصراحه.

  • مسلسل هجمه مرتده

المسلسل بياخنا للعراق سنه 2007 حيث بيشتغل “احمد عز” في المخابرات العامه المصريه و بيسافر ويبعد عن حبيبتو “هند صبري” الي بتشتغل مع المخابرات العامه المصريه بردو بس في بلد غير عربيه. المسلسل حلو جدا و بينقل تاريخ كبير و معلومات كتيره وكمان بنكتشف حاجات كتيره اوي في شخصية الي بيشتغلو في المخابرات المصريه .

  • 2مسلسل الاختيار

مسلسل الاختيار 2 هو تابع للاختيار بس للشرطه المصريه , المسلسل بياخدنا في السنين الي فاتت ايام الثوره واعتصام رابعه و بينقل وطنيه شهداء الشرطه الاشراف , ده غير تمثيل العظيم احمد مكي الي يقدر يتشكل في اي دور مهما كان و طبعا كريم عبدالعزيز الي بيبهرنا دايما

  • مسلسل نجيب زاهي زركش

المسلسل كوميدي وخفيف لاي حد مش حابب الدراما و عايز يسيف الدراما فور هيز ماما هاههلا اهو مسلسل نجيب زاهي زركش احلي من النكته الي قولتها دي المهم انو بيتكل عن راجل “يحي الفخراني” كان متجوز “هاله فاخر” عرفي و بعدين اتجوزها رسمي قبل ما تموت بيوم بعد ما كان واعدها بالجواز قبلها ب 30 سنه! وقالتو قبل ما تموت ان في 3 اولاد في منهم ولد ابنو و هما سعد وسعيد و مسعد وبيضور و بنكتشف حاجات كتيره في شخصيتو بخفيه و طريقه كوميدي لطيفه.

ننتقل بقا للحته الي مستنياها بقالي كتير وهيييي

المسلسلااات الفكسانه:

يتصدر القمه في قائمه الفكسانيننن

  • مسلسل نسل الاغراب

المسلسل بيبدا في صعيد مصر و بيحكي عن خروج احمد السقا من السجن و بيتفاجئ ان مراتو اتجوزت امير كراره بعد ما كانت مخلفه منو احمد مالك متسالش هي ازاي مخلفه احمد مالك بس تمام و المهم بتخلف من امير كراره احمد داش فا امير كراره بيربي احمد داش و مالك علي البيتي بان فا بيطلعو صعايده من الشيخ زايد و بيطلع احمد السقا من السجن هو و سنانه الفضه بيلاقي احمد مالك بيبصلو بوش يسرا و بيقلو انا بنت مين يا داده فا يقولو” حمزه جليله جليله حمزه”. نسبنا من كوميديا التصوير و اللهجه ونتكلم عن اخراج محمد سامي الي مطلع مراتو لؤلؤلالءه بردو بيتخانق عليها امير كراره و احمد السقا  فبيقول كده مش كفايه و بيطلع اختو ريم سامي يتاخنق عليها احمد داش واحمد مالك ده غير انو مطلع ابطال لؤلؤ كلهم معاه عشان يحس بعزوه .

اتمني ان الممثلين متهدرش موهبتهم العظيمه مع مخرجين مش اد كده .

  • مسلسل خلي بالك من زيزي

للي مش عارف قصه المسلسل هي ان زيزي متجوزه ولاكن مبتخلفش و جربت4 عمليات تلقيح صناعي و فشلت وكانت عايزه تجرب الخامسه فا جوزها اعترض و قالها انو مش عايز يكمل فا ضربتو و كسرتو العربيه و اتفاجت لما رفع عليها قضيه و طول الحلقات الماضيه  بتحاول تتدرب انها تتمالك اعصبها قدام القاضي عشان تكسب القضيه لانها كانت عصبيه جدا وده من احدي الاسباب الي خلت جوزها يطلب انهم يسيبو بعض .

اعتراضي في المسلسل اننا تعالو نعكس المسلسل كلو

لو الراجل هو الي عصبي جدا و ضرب الست و كسرلها عربيتها و فتحلها دمغها قامت الست رفعت عليه قضيه عشان تاخد حقها منو فا الراجل يسكت لا ده اتعلم التمثيل كمان عشان يقتع القاضي انو بريئ وانو معملش حاجه.

السناريو ده موجود و منتشر ولما الست بترفع قضيه علي الراجل عشان تهجم عليها  ده من حقها طبعا و لازم نفهم ان كمان من حق الراجل  بردو يرفع قضيه علي الست عشان تهجمت عليه وده لا يجعل منه بني ادم ظالم ولاحيوان زي ما طالع في المسلسل, الي عايزه اقولو ان اشمعني شايفين القضيه دي غلط ونفسها بظبط بس عكسنا الجنسين شايفنها عادي وبل بلعكس الرجل هو الي ظالم كمان ولاكن المسلسل كوميدي ولذيذ لاي حد عايز يشيل جرعه النكد بتاعت المسلسلات التانيه

  • مسلسل ملوك الجدعنه

المسلسل ده مش لايق علي الابطال خالص تخيل عمرو سعد و مصطفي شعبان بلطجيه ازاي حتي معرفش فعلا المسلسل مفيهوش حوار اصلا هما جابو الكلام الي بيتحط علي التكاتك و حطو مع بعض و خلاص , مع انهم كانو المفروض ممثلين بحجمهم دول لازم يتعملهم مسلسل عظمه يزميييلللل.

 مسلسلات كتير في السباق الرمضاني لسه هنقول عنها بس احنا النهارده قولنا اشهرهم  قوللنا عايزين مسلسلات ايه تاني؟

Leave a Reply

%d