فى الحقيقة الفترة الأخيرة السوشيال ميديا بئت محتلة جزء كبير أوى من يومنا و بتأثر على آرائنا و تفكرنا ، ده غير كمان إنها بتخلينا ناخد فكرة عن حياة الناس الحولينا و آرائهم و أفكارهم و أتجهاتهم ايه حتى لو منعرفهمش كويس
حاليا الكلمة الواحدة فى السوشيال ميديا ممكن تقلب الدنيا و الرأى العام و تخلى ناس تاخد حقوق ضايعة كمان
زى ما فى الفترة الأخيرة أما قامت حملة قوية فى مصر ضد التحرش و الأغتصاب و تم القبض على بعض من المطورتين فى الفعل الشنيع ده و رجع حق البنات دول تانى ، و هى كانت مجرد صفحة ، بس عملت تأثير كبير و عميق فى المجتمع و غيرت نظرتنا عن حاجات كتيير…ده غير التحرش بالطفلة الصغيرة و راح للعدالة فى عدد ساعات معدودة و غيرها من البلاوى الشيرت بوست عنها ، شوف أتحلت إيزاى
تصدق ؟ ضغطة الشير دى شيرت بيها إى حاجة بتتحدث عن قاضية معينة أو مشكلة فى المجتمع…ألخ ، و المشكلة أو القضية أتحلت… تخيل بئى أن أنت كنت سبب فى حل المشكلة دى
أنت فعلا مهما كان الأكونت بتاعك صغير فى ألف أو ألفين ، مية أو متين ، حتى لو عشرة أو عشرين
لو أبديت رأيك بكل صراحة و أدب و أحترام فى أى مشكلة حوليك تخصك أو حتى متخصكش أنت ممكن تكون حل للمشكلة دى…و حاول تعمل شير لأى بوست ممكن يحقق إى إنجاز فى مواجهة إى مشكلة فى مجتمعك بس لازم تتأكد من مصدره و أنه حقيقى عشان متكنش لك يد فى نشر الأشاعات
الساكت عن الحق شيطان أخرس
متسكتش عن إى حاجة حوليك و الموضوع مش هايخد ربع ساعة ، بس الربع ساعة ممكن تفرق فى حياة ناس كتيير…و الشير مش هياخد لحظة بس ممكن برده يعمل فرق كبير
حاول تنشر طاقة إيجابية من خلال الأكونت بتاعك ، ساعد الناس و خليها تبتسم و أديها أمل فى بكرة حتى لو أنت ذات نفسك معندكش لأن هتلف بيك الأيام و هتلاقى اليرسم البهجة على وشك فى وقت أنت محتاج فى ده
و حاول ميكنش برده أكونت للميمز بس لا ، لو حصلك إى تجربة حاسس أن أى حد ممكن يطلع منها بأى حاجة مفيدة ، موقف ، أزمة ، تصرف صح عملته أو غلط و أتعلمت منه ، أى حاجة تفيد بيها أى حد حوليك ، صدقنى هتلاقى نفسك أول واحد مستفيد
و بجد بلاش تكون أكونتتنا مصدر للتنمر أو السخرية أو الطاقة السلبية لأن البيبئى بيسكرول فى النيوز فيد ساعات بيبئى عايز يتعلق بأشاية تقله أن بكره أحسن و البوست بتاعك ممكن يكون الأشاية دى…متزودهاش عليهم لأن الحياة صعبة على الكل و هى مش ناقصة
و ديما أفتكر
“we rise by lifting each others”