:نقينالكم الشهر ده ٦ اغاني ما بين الحلو و الوحش
1.(زيها مين) لحماقي
حماقي بقاله فتره بينزل حاجات حلوه اوي كده و الاغنيه حلوه جدا و بتشتغل حاليا في كل حته فعلا نديها 8/10
2. (حته من قلبي) لحسين الجسمي
حسين الجسمي احلى حاجة فيه انه بيغير من نفسه و من ادائه كل فتره و “لقيت الطبطبه ” كانت نقله حلوه اوي بصراحه الاغنيه حلوه بس مش زي ” لقيت الطبطبه ” طبعا، يعني ممكن نقول 8/10
3.(قلبي بلاستك) لروبي
روبي انا مقدره انك فتاة احلام كل جيل التسعينات و قمر و كل حاجة بس فين كلمات الاغنيه؟ بلاش دي فين صوتك يا روبي اصلا؟ اديها 1.5/10 عشان بحب روبي
4.(swlgn) لابيوسف
الراب في تصاعد ، الاغنيه كلماتها حلوه جدا و ابيو بصراحه جامد في كل حالاته لا بجد 10/10
5.(اتقل ) لعمرو دياب
اغنيه مبهجه جدا ، و المزيكه اه شبه حاجات كتير عمرو عملها بس بردو عنده لمساته السحريه الي بتخلينا نستمتع بالأغاني برده ، نديها 9/10
6.( على عيني)لأحمد كامل
أحمد كامل والله كان وحشني نكدك ، تقريبا مصر كلها سمعت الاغنيه دي من حلاوتها بصراحه شابوه 10/10
متنسوش تقوللنا في الكومنتس ايه اكتر اغنيه عحبتكم الشهر ده؟