شاهد هي أول منصة عربية تسمح ليك متابعة الأفلام والمسلسلات بدون فواصل ولا إعلانات إلي أن أصبحت المنصة تنتج الأعمال الفنية تتميز بنجاحاتها و بأفكارها الجديدة و الفترة اللي فاتت أنتجت منصة شاهد اربع مسلسلات كانوا من أهم مسلسلات الصيف لعام 2022 محتوى المسلسلات كان فيه تنوع من اكشن ودراما وغموض و اجتماعي وكوميدي
وش و ضهر
إخراج: مريم أبو عوف
تأليف:أحمد بدوي و شادي عبدالله
طاقم العمل: إياد نصار/ريهام عبد الغفور/اسلام ابراهيم/ثراء جبيل
المسلسل يعتبر من أهم المسلسلات الدرامية الاجتماعية وده مش ألنه فيه نجوم كبار إلا أنه من إخراج مريم أبو عوف الي دايماً أعمالها بتكون ناجحه وتؤثر في الناس المسلسل بيتكلم عن جمال خريج اعداديه الي بيسرق فلوس من الشركة الي كان شغال فيها و يطلع على طنطا ليمارس مهنة الطب ب اسم مزيف و كمان الممرضه الي هتكون شغاله معاه تمارس مهنة التمريض وهي مش خريجة تمريض المسلسل جميل وخفيف عالقلب و هو عشر حلقات بس بتتمنو لو إنهم ميخلصوش من حبك في أحداث المسلسل
منعطف خطر
إخراج: سدير مسعود
تأليف: محمد المصري
طاقم العمل: باسل خياط/ باسم سمرة/ريهام عبد الغفور/ سلمى ابو ضيف/ ادم الشرقاوي
المسلسل فيه لغز وغموض نتابعهم من خالل تطور الأحداث وفي كل حلقة مفاجأة جديدة المسلسل بيتكلم عن قضية قتل بنت اسمها سلمى الوكيل وهي بنت من البنات المشهورين عالسوشيال ميديا و بيتابعها مئات الآلاف علي التيك توك جثة. سلمي بيتم العثور عليها في عربية خالد يحيي والي بيكون مرشح لرئاسه نادي نادي جماهيري المحقق في القضية هو باسل خياط وبتتبع الأحداث التحقيقات اليومية لقتل سلمي
البيت بيتى
طاقم العمل: مصطفى خاطر / كريم محمود عبد العزيز
تأليف: كريم سامى / أحمد عبد الوهاب
إخراج: امانى نجيب / خالد مرعى
المسلسل بيبدأ ببداية غامضة ، بموت والد بينو بطريقة مريبة بعدين بيتفاجئ بينو بخبر موت والده و يجيى القاهرة و يتفاجئ إن وصية والده بتقول إن هو مورثش من أملاكه الكثيرة غير قصر قديم جدا ، يا ترى هتكون ايه حكاية القصر ده ؟أو آيه الهيجمع كراكيرى سواق التاكسى جدا مع بينو؟ ده هتعرفهوا لما تشوفوا المسلسل
التمانية
طاقم العمل: آسر ياسين / خالد الصاوى /ريم مصطفى/محمد علاء
تأليف: تركي آل شيخ
إخراج: أحمد مدحت
المسلسل عموما بيتكلم عن الجرائم والعصابات الدولية وظهر فيه ممثلين من مختلف الدول العربية ، بيبدأ بحفلة لذيذة فى فيلا ناصر المنشاوى و فجأة بيحصل طلق نار وناس بتتصاب وناس بتهرب و للاسف بتتقتل حبيبة أدهم البيشتغل ضابط فى جهاز مكافحة الجريمة المنظمة دوليا و بتتصاب أخته نجلاء و بتدخل المستشفى فى حالة خطيرة ، فهل هتنجوا؟ وبعدين مع الأحداثبيكتشف أدهم إن الكان ورا الحصل هو منظمة مسئولة عن كتير من أنواع الجريمة فى الشرق الأوسط اسمها ال٨ و هيبدأ يدخل في متاهة الانتقام
يا ترى هيحصل ايه ؟ وهل هينتقم لحبيبته و أخته ؟ده الهتعرفوا لما تتفرجوا على المسلسل
writers: Ayat Mahmoud & Norhan Hany