حلو ولا فاكس ؟

اهلا بيكم تاني في سلسله حلقات حلو ولا فاكس

نخش في الموضوع علي طول المرادي احنا هنقول الاحداث وانتو هتقولو مين الحلو و مين الفاكس؟

القاهره كابول


في الحلقات الماضيه ركزو علي العناصر الارهابيه و علي مين الي بيمولها ومين الي بيدرهاو خططهم المستقبليه عن طريق “طارق لطفي”
بعد ما طارق لطفي امر بقتل خالد الصاوي لانو ظابط و اتقتل بدالو احمد رزق بسبب غلطه حصلت، حصل غضب كبير في البلد بسبب اعتقادهم ان سبب قتل احمد رزق من الارهاب هو انو عمل فيلم وثائقي عن الارهاب لانو كان بيحب السنيما و الاخراج
طارق لطفي بقا الخليفه في عاصمه افغنستان “كابول” و اتجوز هناك 3 ستات واحده منهم اخوها كان عايز ياخد الخلافه فا قتلو قامت جايه مرات طارق لطفي قتلت ابنو من مراتو التانيه قام قاتلها و طلعت عايشه عادي
اما اخو خالد الصاوي فكان بيجيلو واحد ارهابي علي القهوه وكان بيحاول ينقلو اعتقداتو قام اخو خالد قال لخالد فا قبض علي الارهابي و بعدين درب واحد علي انو يكون زي الارهاب فا يندس في وسطهم يعرف بيعملو ايه.
ننتقل لحنان مطاوع الي بتشتغل في مدرسه وقابلت هناك واحد و حبيتو و اتقدملها و خرجو وكده لاكن امو كانت حمه و قعدت ترخم علي حنان مطاوع و راحت تقابل ابو حنان مطاوع قام حبها و حبيتو عندها حق اكيد كل جمل نبيل الحلفاوي تتحب. نو كومنت
المسلسل بدا بدايه قويه و بعدين بقا بطئ و احداثه قلت

لعبه نيوتن


المسلسل الذي وتر الملايين ، المسلسل الي كلنا كنا عايزين نرطبت ب بيج زي و في نفس الوقت نضرب مؤنس
عايزه اقولكو ان هنا ولدت ابراهيم خلاص بعد حلقه مليانه بتمثيل رهيب بس حصلت معاها مشكله في المستشفي بسبب توترها الفظيع لدرجه انها كانت عايزه تنتحر ، الدكاتره افتكروها مريضه نفسيه فا كانو خايفين علي الطفل منها فكان حل المشكله هو حضور الاب و الاب طبعا في مصر قامت كتبت الولد باسم مؤنس و ده خلاه متحكم في دخول الولد او خروجه من امريكا فا قررت انها تتجوزو خصوصا انو اصلا بيحبها و كان بيساعدها كل ده عشان كان بيحبها “ده انتي هتشوفي ايام سوده” ، بالنسبه للي في مصر فا سيد رجب كان طالب من محمد ممدوح العسل بالافيون لان عائشه أحمد الي هي صاحبت سيد رجب مريضه مرض وحش و لازم يلاقيلها مسكن طبيعي فا فكر في العسل الي بالافيون ، و فعلا محمد ممدوح جرب ولاكن فشل مره و اتنين و تلاته و هنشوف بقا هيعمل ايه لما يعرف ان مراتو اتجوزت ؟

قصر النيل

قضيه القتل الي بننحقق فيها طلع المقتول عايش عادي وكان بيعمل كل ده فيهم عشان يعرف مين فيك و مين كويس ، اما دينا الشربيني فا حبت احمد مجدي و في تشويق كده في حاجات كتير مش عايزين نحرق.

هجمه مرتده


المسلسل مفيهوش احداث جديده اوي لسه نفيش حدث مبهر بس احلي حاجة في المسلسل قصه العشق الممنوع الي بين احمد عز و هند صبري ان هما الاتنين بيشتغلو في المخابرات العامه المصريه وبيحبو بعض ولكن مينفعش يتجوزو عشان شغلهم و قرروا انهم هيبعدو عن بعض ولكن في عمليه جديده جمعتهم تاني ببعض.

خلي بالك من زيزي


احنا اتكلمنا عن الحدث الي حصل الاسبوع الي فات لاكن الاسبوع ده المخرج فهمنا ليه زيزي تصرفتها كده عن طريق الطفله الصغيره الي بتتعرض للتنمر و اهمال اهلها ليها و انها تشخصت بمرض ADHD و هو مرض نفسي اعراضه كتيره و مختلفه بس ابرزهم فقدان التركيز و النسيان المستمر و ده بان في احداث المسلسل بين الطفله و زيزي ، المسلسل مكمل في الكوميدي اللايت و مستنين نشوف الجديد.
نجيب زاهي زركش:
المسلسل بدا حلو جدا و كوميدي و كمل الكوميديا ولكن مكملش احداث قويه و حلوه بقا بطئ بصراحه يعني ممكن تتفرج عليه من النص و هتفهم بردو الي بيحصل.

اما في مسلسل اسمو كوفيد-25


ده لسه بادئ النهارده بيحكي عن وباء جديد ظهر بعد كورونا في المستقبل ، و يوسف الشريف كان دكتور و ابنو مات مصاب بكورونا فا قرر يوسف الشريف انو يب بلوجر عندو ايفون بخمس كاميرات مستنين نشوف بقيت الحلقات يارب يبقا حلو و ميبقاش فاكس

Leave a Reply

%d