كتير مننا بيبقى ليه كدة حاجة سخنة بيستمتع وهو بيشربها و متعلق بيها خصوصا فى الشتا بس هلياترى بيكون عارف هى ايه الحكاية اللى وراءها ؟ فى الاغلب لا ، عشان كده هناخدكم معانا فى رحلة لكذا بلد و نعرف ايه الحكايه ورا ٣ من أشهر المشروبات الساخنة المفضلة البنحب نشربها فى الشتا٠
أولاً: الشاي – من اشهر المشروبات حول العالم
من حوالى ٥٠٠٠ سنة فاتوا ، تقريبا سنة ٢٧٣٦ ق.م فى جنوب الصين ، كان الإمبراطور “شينونج” من أسرة “شانج” (اللي كانوا بيلقبوه بإله المزارع و كان مهتم جدا بالطب و الزراعة و جمع الأعشاب) فى رحلة فى أراضي البلد٠
و بعد كدة هو واللى معاه تعبوا و قرروا يرتاحوا شوية ، و هو كان عنده عادة غريبة جدا ، كان متعود يشرب ماء مغلى و كان مقتنع وقتها إن ده بيقى من الأمراض٠
وهنا حصلت الصدفة اللى رسمت الابتسامة على كل محبين الشاي دلوقتى ، طارت ورقة شجر وقعت فى الوعاء اللي كان بيشرب فيه الماء المغلي وشربه ، بعد كدة أستغرب ، طعمه و لونه متغيرين، بس مذاقه حلو و عذب و بدأ يحس بالانتعاش والنشاط وصفاء الذهن ، خلى اللى معاه كمان يجربوه وعجبهم جدا٠
:ثانيا القهوة
اختلفت الأساطير وراء حكاية القهوة بس أشهر أسطورة بتقول إن كان فى راعى غنم شاب فى كافا بجنوب أثيوبيا اسمه “كادى” كان فى يوم عادى جدا بيرعى الغنم كالعادة بس كان فى حاجة شاغلة باله بقالها فترة ، الغنم بيتصرف تصرفات غريبة ، نشاطهم زايد جدا و بيرقصوا و بيتنططوا عكس العادة ، فى اليوم ده بقى قرر “كادى” يكتشف السر وراء الموضوع ده فقعد يتتبع الغنم، يتتبع الغنم لحد لما عرف السبب ، لقى ثمرة غريبة لونها أحمر شبه التوت واقعة من الشجر الغنم ده أكل منها!
فقرر يجربها بنفسه و آخد منها حبة و غلاهم فى ماء ساخن و شربهم و لقاها طعمها حلو جدا و ريحتها خلابة ده غير إنه حس فعلا بالنشاط و الحيوية و ده كان أول فنجان قهوة يتعمل فى التاريخ.بعد كده “كادى” جرى على عمه الراهب و بلغه بالحصل وهو فرحان جدا ومتحمس ل الاكتشاف الاكتشفه ده ، بس الرهبان خافوا من الأرواح الشريرة و قرروا إنهم هيحرقوا الثمرة دى !وفعلا بدأوا يحرقوها بس لما شموا ريحة القهوة المحمصة سحرتهم و حسوا بال”كادى” حس بيه و تراجعوا عن قرارهم و بقى فى تقوس مخصوصة بس لشرب القهوة كمان٠
بعد كدة سماه “ch’a” و ده حرف صينى معناه التحقق التحقيق و من هنا نشأ الشاى اللى تفننا فى أشكاله و أنواعه ، فى منا بيشربه باللبن و في بالنعناع و بقى له نكهات كمان وبقت الصين تصدره لمختلف أنحاء العالم٠
بعد شوية كدة أثيوبيا بدأت تصدر القهوة لليمن ، وفي القرن ال١٥ الوالي العثماني لليمن “أوزمير باشا” قدم مشروب القهوة لل سلطان سليمان القانوني العجبته جدا و أمر العاملين فى القصر إن هم يكتشفوا طريقة تانى عشان يعملوا القهوة ، وفعلا اكتشفوا إنه ممكن يتطحن البن المحمص و يغلوه وطلع طعمها كده أحلى بكتير و من هنا جت القهوة التركى٠
الغريبة بقى واللى فعلا هتستغربها إن القهوة اول لما دخلت على العرب ، كانت محط خلاف ، و فى كتير من الفقهاء حرموها زى ما فى منهم حللها و كانت خناقة لحد ما تم الاتفاق على عدم حرمانيتها و بعد كدة انتشرت لجميع أنحاء العالم ودلؤتى أتعمل منها أنواع و أشكال كتير جدا و بقت تانى سلعة بتستهلك على مستوى العالم بعد النفط و جزء أساسي من حياة ناس٠
يقال إن المايا هم أول من اكتشفوا أشجار الكاكاو و عملوا من بذورها مشروب مر جدا و سموه “xocalat” لأنه من المشروبات التي تعني المر ، كانوا بيخلطوا البذور مع الفلفل الحراق و عدد من التوابل فى الماء و يشربوا المشروب الصعب ده كتقرب من آلهتهم و بيقال كمان انهم لقوا بواقى من المشروب ده على بعض اوانى المايا٠
بعد كدة سنة ١٥٠٢ كريستوفر كولومبس كان فى رابع رحلاته لاستكشاف الأمريكتين و لقى بذور الشوكولاتة بالصدفة فى واحدة من المراكب الاستولى عليها بس حس إنها مهمة فاخدها معاه أسبانيا ، فى الأول الناس متقبلهاش عشان مرارة طعمها بعد كدة قرر مجموعة من الرهبان الاسبان إنهم يعملوا تجارب على البذور دى إنها تتعمل بطريقة مختلفة زى مثلا إنهم يبدلوا الفلفل و التوابل بالعسل والسكر و الماية باللبن و فعلا نجحوا و كان طعم المشروب العملوه حلو جدا و أنتشر فى أسبانيا وانتقلت أول شحنة حبوب كاكو رسمية من المكسيك لاسبانيا سنة ١٥٨٥ وانتشر مشروب الشوكولاتة الساخنة أكتر و أكتر فى أسبانيا و جميع أنحاء أوروبا لحد ما وصل العالم كله٠