السعاده

السعادة مش بطن فلوس أو أطنان من الإجازات ! السعادة فى التفاصيل الصغيرة المبنخدش بالنا منها و بتحصلنا كل يوم ، لو جمعتها هتتعرف على معنى السعادة الحقيقة فى حياتك ! السعادة فى فنجان القهوة البتشربه كل يوم و بتتمع بكل بوق فيه ، فى نوع الشوكلاتة المفضل البتكله و يخليك ترقص من السعادة و تدوب فى طعمه ، إهتمام حد عزيز عليك بيك و أنت زعلان و مضايق ، فى ضحكتين بتضحكهم مع حد من صحابك / أهلك….ألخ ، السعادة فى إنك تساعد حد محتاج بأى حاجة بسيطة و يقلك “شكرا…الله يخليك” و تحس إنك فخور بنفسك أوى على الرغم أن المساعدة كانت بجنية أو أتنين مش حاجة يعنى ، السعادة فى إنك تحقق إى إنجاز و لو صغير أوى ، خلصت لعبة بscore عالى ، خلصت ملف من ملفات الشغل المبتخلصش ، خلصت درس من كم الدروس العليك ، أول مرة تظبط القهوة ، أول مرة تغسل مواعيين و متبئاش زفرة ، أول مرة تعمل كيكة و تستوى متتحرقش ! أمثلة تافهه أوى صح ؟! بس دى برده اسمها إنجازات زى الطلوع من الاوائل و شهادة الدكوتاراه مثلا أو تكوين الأسرة و الترقية العالية فى الشغل ! السعادة على قد ما هى سهلة و بسيطة البنى ادم للأسف مش بيشفها بسهولة.

كتابه: نورهان هاني

Leave a Reply

%d